Ինչպե՞ս 2 քայլով մեծացնել վաճառքները
Updated: Dec 24, 2020
Շատ հանդիպած կլինեք այնպիսի հոդվածների, որտեղ առաջարկում են վաճառքները մեծացնելու հայտնի մեթոդներ, ինչպիսիք են զեղչային համակարգեր, նվերներ, freebee-ներ և այլն։
Դրանք փորձված մեթոդներ են, օգտագործում ենք և տեսնում արդյունք, բայց մի պահ եկեք մեդալի մյուս կողմն էլ նայենք, կամ չգիտեմ երևի սա երկկողմ կամ նույնիսկ եռակողմ հայացք է։ Լավ, ինչ որ է, տարբերվող հայացք վաճառքների մեծացմանը։
Ի դեպ, սա էլ է փորձված մեթոդ հայտնի հսկաների կողմից՝ Marriott Hotels-ի, Adidas -ի և American Express-ի։
Եվրատեսիլին շատ չնմանվելու համար հիմա արագ ասեմ, որ ՍիստրոՏեխի միավորները ստանում է “մասնագետի աշխատանքի օպտիմալացում” մոտեցումը։
Իսկ ինչպե՞ս՝ Salesforce CRM-ի երկու հիմնական գործիքների միջոցով՝ Sales cloud dashboards և lead scoring: Հայերեն տերմինաբանության մեջ չարժի խորանալ, ավելի լավ է այս 2 քայլին ծանոթանանք։
1․ Չկորցնել և ոչ մի օր
Վաճառքի մասնագետները ամեն եռամսյակի համար ունեն վաճառքի սահման և որին հասնել է պետք, լավ կլինի նաև գերազանցել։ Դրա համար լավ տարբերակ է այդ եռամսյակի գումարային սահմանը բաժանել ամեն օրվա վրա։
Լավ դե, պարզ հաշվարկ է կամ պարզ հաշվիչ և վերջ, բայց մի կարևոր կետ էլ կա, որ հանկարծ չպետք է մոռանաք։ Այս նպատակները պետք է կիսել ամբողջ թիմի հետ։ Արդյունքում թիմը կոգևորի և կաջակցի վաճառքի մասնագետին, որպեսզի նա ավելի մոտիվացված աշխատի՝ օրվա վերջում նպատակին հասնելու և անպայման այդ “ճնճղուկին” (птичка) դնելու համար։
Չենք բացառում նաև ձախողումը, որը էլի պետք է թիմի հետ վայելել՝ ստանալով ոգեվորող խոսքեր և խորհուրդներ ավելի փորձառու մասնագետների կողմից։
Այս ամենը հեշտությամբ ավտոմատացվում է Sales Cloud-ի dashboard-ների բաժնում, որտեղ յուրաքանչյուր աշխատող կարող է ունենալ իր անձնական dashboard -ը և ավելի մոտիվացված աշխատելով ձեզ ապահովի ավելի շատ վաճառքով։
Ասում են, որ ուրախ և ոգևորված վաճառողները գտնում են իրենց նման հաճախորդներ և շատ գումար են բերում։
2. Կենտրոնանալ առաջնային lead-երի վրա
Վաղուց ապացուցված է, որ facebook ում այդքան տարածված “Ինչ կենդանի ես եղել դու նախորդ կյանքում” թեստերը ոչ մի օգուտ չեն տալիս, դե հատկապես վաճառքի մասնագետներին, որոնց համար ժամանակը ոսկի է։ Իսկ ի՞նչը կօգնի վաճառքի մասնագետին ավելի մեծ արդյունքի հասնել այո, կենտրոնացումը կարևորի վրա և անելու ամեն ինչ 1-ին կետում նշված օրական վաճառքը ապահովելու համար։
Պատկերացրեք՝ ձեր մարքեթինգի թիմը արդյունավետ աշխատանքի շնորհիվ գտնում է 10 պոտենցիալ հաճախորդ՝ lead, իսկ խեղճ վաճառքի մասնագետը չի հասցնում օրվա 8 ժամը հավասար բաժանել հաճախորդների միջև։
Դե հիմա պատկերացնենք՝ որքան կուրախանա վաճառքի մասնագետը, որ աչքի առաջ ունենա հերթականությամբ՝ ըստ առաջնայնության բաժանած պոտենցիալ հաճախորդների ցանկ։
Այս ուրախությունը հնարավոր է ապահովել sales cloud-ի scoring հնարավորություն շնորհիվ։ Ավտոմատացված համակարգը առաջին տեղում է դնում ամենաբարձր միավոր ստացած lead-ին՝ ըստ ձեր բիզնեսի որոշած չափանիշների։ Օրինակ եթե հաճախորդը ունի բավարար բյուջե հենց այս պահին գնում կատարելու համար, ապա արդեն առաջին հորիզոնականն է ստանում։
Այսպես մենք մի sales cloud-ով ունենում ենք 2 նապաստակ ՝ ուրախ վաճառքի մասնագետ և ավելի շատ հաճախորդներ։
Դե գնացինք ուրախացնելու բոլորին, չէ մի կարևոր բան էլ էի մոռացել ասել, ասեմ նոր կգնանք։ Այս 2 քայլերը աշխատում են ոչ միայն Adidas- ի նման մեծ ընկերություննեի համար, այլ նաև ձեր փոքր բիզնեսի: Sales Cloud-ը կողմ է գլոբալ հավասար հնարավորությունների, և այս դեպքում բիզնեսի չափը իրոք կարևոր չէ։
Եթե հավանեցիք մեր տարբերվող մոտեցումը, ապա բաժանորդագրվեք մեր բլոգին, որ բաց չթողնեք բիզնեսի թրենդները։
Կարդացեք նաև, թե ինչու հենց փոքր բիզնեսները ամենաշատը ունեն CRM-ի կարիք։